Ухаарлын 7 хоног #12 - Зочин П. Дэлгэржаргал: "Мөхөл рүүгээ явж байгаа зүйлийг хөгжил гэж нэрлэ

Ухаарлын 7 хоногийн ээлжит дугаараа подкаст хэлбэрээр хүргэж байна!

Миний бие хамгийн анхныхаа блогийг аавдаа зориулж бичиж байсан бол мөн энэ удаа хамгийн эхнийхээ подкастын зочноор хайрт аавыгаа урьж оролцуулсан билээ. Тэрээр түүхч мэргэжилтэй, Монголын эртний түүх, монголчуудын угсаа гарвалыг судлан Монголын төрт улсын түүхийг 200-300 жилээр урагшлуулсан томоохон судалгааг насаараа хийж яваа эрхэм юм. Түүнээс гадна миний мэдэх хамгийн сайн сурган хүмүүжүүлэгч тул та бүхний шинэ долоо хоногт дотроо тунгаах олон сайхан зүйлсийг ярьсан билээ!

Бидний ярилцсан сэдэв бол: Социализмын үеийн иргэдийн ахуй амьдрал өнөө үеийн Монголоос хэр өөр байв? Хүний хэрэглээ тэр үеийнхээс хэр их өөрчлөгдсөн бэ? Аз жаргалтай байхын тулд хүн их мөнгө олох үнэхээр шаардлагатай юу? Монголын соёл уламжлалыг хадгалж үлдэх шалтгаан яг үнэндээ юу вэ? Монгол хүн гэж хэнийг хэлэх вэ? Тусгаар тогтнол гэх мэт маш олон сэдвүүдийг хамарсан сайхан ярилцлага боллоо.